
Summary
Dala ng matinding boredom ay napagpasyahan ni Éclair na pumunta sa farm nila para makapag-unwind. Pero hindi pag-a-unwind ang napala niya. Dahil unang araw pa lang sa farm ay nakasalubong na niya si Vincent del Vega—ang guwapo at supladong customer nila sa LiberTEA, na napag-trip-an niya minsang maligaw ito sa coffee shop. At ikini-claim nitong pinagtataguan daw at tinatakasan niya ang atraso sa lalaki. “Ano? Wala akong atraso sa `yo. Ikaw itong may atraso sa `kin. Bakit ka basta pumapasok sa lupain ko, ha?” mataray na sikmat ni Éclair sa lalaki. “Dahil naniningil ako ng pautang. Sige, bukas na lang ulit ako maniningil. Alas-siyete ng umaga.” That brute! hindi ito titigil hanggang hindi nakakapaningil. Pero may problema pa pala siya. Dahil sasulok ng puso ni Éclair, gusto niyang parating may sumusulpot na guwapong Vincent sa harap niya para singilin ang kabayaran sa atraso niya ditto. Puwede na kayang ipambayad ang puso niya?
Prologue
ALAS SINKO pasado palang ng madaling araw ay nanggagambala na si Sundae sa cellphone ni Éclair. Okay lang naman iyon. Di pa naman siya nakakatulog. Nagbabalak palang matulog. Nahihirapan siyang matulog. Paano? Wala na siyang ginawa kundi matulog sa araw.
“Nasa shop ka na ba?” bungad nito sa kanya.
“Nope. Hindi pa ako natutulog. Iba na talaga ang nagagawa ng boredom. Pati pagtulog, nakakabagot na rin.” Patamad na tugon niya. Humiga sa kama.
“Alam mo Éclair, kaunti nalang at ipagpe-pray-over ka na namin ni Bonbons.”
Sumimangot siya. “Pray over ka diyan? Anong akala mo saken? May sapi?”
“Yung totoo? Parang.”
“Hindi ka din pintasera e, ano?”
Nagbuntong-hininga ito.
“Anyways, male-late na ako sa duty ko. Nasabi ko na rin naman kay Violet na ihanda na yung white coffee ko at pipick-up-in ko nalang pagdaan ko sa shop. Magkita nalang tayo roon. Kung pupunta ka.”
Tinatamad na nakinig lang siya sa sinasabi ng pinsan. Pinag-iisipan pa niya kung lalabas siya ngayong araw. Tamad na tamad kasi talaga siya sa buhay niya.
“Yeah, sure. Ano bang gusto mong add-ons sa kape mo? Si Mickey Mouse o si Jerry? Para ma-inform si Violet.”
“Éclair—”
Bumungisngis siya. Alam na alam niya kung paano iinisin ang pinsan. “I’m bored. Pagbigyan mo na ang kaaningan ko.”
Sandali pa at nagpaalam na ito. Siya naman ay pinilit umidlip. Pero wala pang dalawang oras, gising na ulit siya.
Another boring day has come.
