Hinovel
App Store
Google Play
Pustaka
Ringkasan
Gaga kehilangan bininye. Akibat si Lela bininye jadi Detektif Bojong Soang. Die dikejar kejar sapol PP. Ambekannye kagak beraturan. Nah pas die kejar tuh sapol PP. Die amprah imprih di seputaran gubuk sawah. Die masuk tuh gubuk tue reot pula. Eh die masuk lubang hitam. Masuk ke dunie lain. Disitulah Gaga masuk ke Bojong Kenyot. Pantesan Lela ngilang. Lantaran die juga masuk ke dunia lain. Di dunia lain Gaga terpaksa jadi jadi kuli bangunan. Tapi sebetulnya kamuflase aja. Die jadi detektif Bojong Kenyot. Banyak kejadian kejahatan Walopun cume maling color, maling kutang tapi kudu diselesein misinya. Kalau mau die balik lagi ke dunia dimana dia tinggal. Dia kudu ngumpulin 1000 poin. Kalau kagak bisa ngumpulin 1000 poin dalam waktu satu minggu. Dia bakalan selama lamanya ada di dunia lain
Bab 1. Lela takut kikuk kikuk
Gaga udah kawin ama lela. Tapi sebelum malam pertamanye. Gaga kudu nyumponin kemauan tuh si Lela.
"Et dah bang maen nyosor aja, jangan dulu nyosor napa. Lela pan risi anuan ama abang. Lela gak terbiase pacaran gitu bang. Nah saratnye, abang kudu ngelakuin nya sambil tutup mate ye. Sini aye tutupin"
"Habis si eneng awaknye manteb betul dah, semok demplon. Macem mujaer mundur. Khan sayang kalo di angurin".
"Set dah bang, lu kate guah ikan ..."
Gaga malah langsung buka color nya ...
langsung burungnya mencuat.
"Awwwww apaaan tuuuh bang gile bang iiihhh serem bang"
Lela nutupin matanye dengan jarinye tapi ngintipin dicelah celah jarinye.
Penasaran juge lihatnye.
Si Gaga naikin lagi colornya.
"Neng abang nyusu boleh?"
"Ih Abang, maen nyosor aje... boleh. Tapi merem dulu. Makanye aye tutupin matanye yee..."
Lela ngambil entu lap ... ditutup matanye si Gaga.
"Ehhh... hemm bau terasi lela lapnye ... "
Bibirnya macem congor bagong. Alias Bimoli. Bibir Monyong Sekali. Abisnya si Lela pake lap bekas lap meja. Ada bekas terasi, ikan asin, sambal dadak, ama pete.
Maksudnya sih romantis. Sebelum entuan ditutup dulu matanye.... macem pelem india gitu.
Tapi bukannya ngelayanin suaminye. Lela malah kabur. Entah kemane.
Sebelum kabur die kepergok encangnye.
"Heh Lela mau kemane"
"Eh encang ... anu si Gaga pengen ngopi katanye..."
"Busyet dah biar melek yeee entuan ampe pagi ... hahaha... bae bae ya Lela ame laki lu ... layanin die nyang bae ye"
"Iye cang ... aye buru buru"
Lela kabur.
Die masih perawan tingting... malu maen ama Gaga. Kagak pernah gituan. Jijik kalo die harus ngelayanin Laki laki. Salaman aja die malu malu. Apalagi kudu anuan ama gaga. Gak bakalan kesampean.
Lela kepergok preman kampung sebelah. Si Lela semok demplon diudag preman.
"Heh kamu siape ... wah semok bener lu ... sini neng ama abang"
"Heh guah Bagel lu ..."
"Busyet dah, galak bener"
"Udeh bangkotan lu. Masih ganjen aja ... lu kelonin aja bini lu di rumah"
"Guah kagak ada bini ... makanya ama abang yuk"
"Ogah, ama laki aye aja guah ogah apalagi elu"
Lela pergi ke rumah engkongnye.
"Duk duk duk ..."
Lela ketok pintu buru buru.
"Iye tunggu bentar .... sabar"
"Cepet bukain kong"
"Sape lu diluar"
"Ini Lela"
"Lela ... mane"
"Lela anak haji apud"
"wah elu lela ... nape kemari ... elu nyang baru kawin itu khan"
"Iye kong"
Si engkong bukain pintu.
"Busyet dah .... ckckck lu demplon bener lela. Itu susu kemana mana"
"Ih si engkong ini .... masih bangor aja... "
"Iye hehe ... ya udah masuk deh"
Si engkong lihat kiri kanan.
Sedep bener si engkong lihat gundal gandul susu Lela nyang mau tumpeh.
"Ade ape lela"
"Gini kong ... aye tidur di mari yeee ..."
"Kunafe lela"
"Kenape"
"iya kenape"
"Aye risi dan jijik ame laki aye.. aye takut entuan kong"
"Ohhh kikuk kikuk"
"Iye"
"Pan sedep kikuk kikuk lela ... ente kudu nerime mau diapa apain juga ... pan udeh ijab qobul, pamali lela ... gak boleh nolak ame laki elu"
"Serem kong lihat kanjutnye gundal gandul macem kohkol bedug"
"Nanti juga sedep lela gurih. Bagus lah macem kohkol, punye engkong pan udeh ilang kempes"
"Serem ... aye pan masih perawan kong"
"Ye mau ampe kapan elu perawan"
"Takut sakit kong, kate orang sakit ya kong"
"Sakit tapi ngeunah lela"
"Buat gaga ngeunah, buat aye pan sakit, itu kanjutnye gede banget kong"
"Iye pan baba elu ade keturunan arab makanye kohkolnye gede. Lain ame enyak elu anak engkong"
"Ah pokoknye jangan kasih tau siape siape ye... kalau aye mau nginep dimari"
"Ah lela ..lela ... elu bikin engkong tambah masaleh ... ya udeh ... sono masuk, engkong mau siap siap ke masjid nih elu ame nyaik aja ya"
"Iya kong"
Lela nemuin Nyaik nya.
"Ade ape lu lela kemari"
"Ssssttt jangan keras keras nyaik, aye mau nginep dimari"
"Lah terus laki elu gimane"
"Gak ape ape lah nyaik, aye beluk siap ... die maen nyosor aje ... pan nyaik tau sendiri, aye mah geli lihat laki laki"
"Lah terus gimane ... tapi iya juga sih, nyaik juga ame engkong elu dulu juga gitu.... sebulan engkong elu kagak bisa sentuh nyaik"
"Ya khan ... ini pasti turunan dari nyaik"
"Eeuu ya sudeh ... tapi elu jangan lame lame yee... nyaik gak enak ame babe elu. Entar disangkanye nyaik nyang sembunyiin elu dimari yee"
"Iye nyaik tenang aje ... aye kagak bakalan ngomong"
Lela saking ngantuknye mulutnya Angob gitu.
Sementara si Gaga nyariin Lela kemana mana. Hampir sekampung ribut nyariin si Lela.